1.პროექტის სახელწოდება–თამარ მეფის საქართველოდან დღემდე .
2.პროექტის მთავარი იდეა–მოსწავლეები უკეთ გაიცნობენ საქართველოს ისტორიას.განსაკუთრებით კი 12 საუკუნეს,რომელიც საქართველოსთვის იყო ეკონომიური,პოლიტიკური,კულტურული და ზნეობრივი აყვავება–აღზევების ხანა. შეძლებენ ჩასწვდნენ საქართველოს უმშვენიერესი წმინდანი მეფის –თამარის უკეთილშობილეს სულს.
3.პროექტის აქტუალობა–საქართველოს ერთიანობა დარღვეულია და საქართველოს ტერიტორიები მიტაცებული.ყოველი ქართველისათვის საინტერესო და ყურადსაღებია,როგორ შეძლო 18 წლის გოგონამ ურთულეს საშინაო და საგარეო პოლიტიკაში ასე წარმატებით გარკვევა,შინაურთა ინტრიგებისა და გარეშე მტერთა თვალთმაქცობისაგან თავის დაღწევა და საქართველოს გაერთიანება ისე,რომ მისთვის ეწოდებინათ,,მეფე აფხაზთა,ქართველთა,რანთა და სომეხთა,შირვანშაჰ და შაჰინშაჰ და ყოვლისა აღმოსავლეთისა და დასავლეთის თვითმფლობელობით მპყრობელი.
4.პროექტის მიზნები–მოსწავლეები ამ პროექტით უფრო ღრმად ჩასწვდებიან საქართველოს ისტორიის იმ მონაკვეთს, რომლითაც ამაყობდნენ ჩვენი წინაპრები,ჩვენი თანამედროვენი და,ალბათ,მომავალი თაობაც იამაყებს.გაიგებენ,როგორი იყო მათი დიდებული წინაპარი,დავით აღმაშენებლის შვილთაშვილი,მეფე გიორგი მესამის ულამაზესი ასული,ძლევამოსილი სარდლის დავით სოსლანის ღირსეული თანამეცხედრე მეფე თამარი.
5.მონაწილეთა ასაკი:12–13 წელი.–1 თვე.
6.პროექტის ხანგრძლივობა :ერთი თვე
7.მოსალოდნელი შედეგები–მოსწავლეები უკეთ ჩასწვდებიან მშობლიური ისტორიის არსს.უფრო მეტად გაუღვივდებათ პატრიოტიზმის გრძნობა და გაუმძაფრდებათ ეროვნული თვითშეგნება.გაიცნობენ როგორც ქართული კლასიკური პოეზიის შედევრებს, ისე ხალხური პოეზიის მარგალიტებს.შექმნიან ელექტრონულ რესურსებს.მოძიებული მასალებით შეძლებენ ბუკლეტების შექმნას(თამარ მეფის საქართველოდან დღემდე).მოძიებული მასალებით მოაწყობენ ფოტოგამოფენას.
8.პროექტისათვის საჭირო ძირითადი რესურსები–ისტ–ის კაბინეტი,ბიბლიოთეკა,ფოტოაპარატი,წიგნები,რვეულები,კალმები და ფლომასტერები.
9.პროექტის მსვლელობა(ძირითადი აქტივობები)
აქტივობა1–მასწავლებლის მიერ მოსწავლეებისათვის იდეის მიწოდება.
აქტივობა 2–ორგანიზაციული საკითხების მოგვარება და სამუშაოს გადანაწილება.
აქტივობა3–მოსწავლეთა თითოეული ჯგუფი იწყებს:მასალის მოძიებას, ცოდნის გაღრმავებას, გარკვეული კუთხით ინტელექტის ამაღლებას.
აქტივობა4–პრეზენტაცია.
აქტივობა5–პრეზენტაციისა და განხორციელებული სამუშაოს ამსახველი მასალების განთავსება ბლოგზე და გაცნობა აუდიტორიისათვის.
10.საგნებთან,ეროვნულ სასწავლო გეგმასთან კავშირი–ქართული ენა,ისტ–ი,საქ.ისტორია.
მოსწავლეები ,ეროვნულ სასწავლო გეგმაზე დაყრდნობით ჩასწვდებიან საქართველოს ისტორიის გარკვეული მონაკვეთის არსს.დაუკავშირებენ საქართველოს ისტორიას და მშობლიურ ლიტერატურას,ვინაიდან საქართველოს ისტორიის ეს მონაკვეთი ბრწყინვალედაა ასახული როგორც კლასიკურ,ისე ხალხურ პოეზიასა და ლიტერატურაში.
11.პროექტის ხელმძღვანელი: ნანა ბირკაია –– წყემის საჯარო სკოლა.
12.ხელმძღვანელის ელ.ფოსტა––nana.birkaia@gmail.com
13.ბლოგის მისამართი:nbirkaia.blogspot.com
